Bashkimi Evropian dhe Banka Evropiane për Rindërtim dhe Zhvillim do të bashkëpunojnë për të financuar një program të rëndësishëm për zhvillimin e turizmit në Shqipëri, që kap shifrën e 40 milionë eurove.
Programi synon të rrisë kontributin e turizmit cilësor dhe të qëndrueshëm në rritjen ekonomike dhe konkurrencën e rajoneve shqiptare, duke rritur cilësinë dhe qëndrueshmërinë e ofertës turistike në katër zona (Berat, Korçë, Fier dhe Shkodër).
Sipas ambasadës së BE-së në Tiranë, me këtë kontribut prej 40 milionë eurosh për zhvillimin e turizmit, do të ndihmohet në promovimin e burimeve natyrore, trashëgimisë sociale dhe kulturore, me një efekt shumëfishues të rëndësishëm në ekonomi.
