5 aksidente kanë ndodhur ditën e sotme, të paktën deri më tani.
Aksidenti i parë ishte ai në Rubik, ku një autobus me turistë u përplas me një makinë.
Si pasojë, drejtuesi i makinës humbi jetën dhe u plagosën 8 të tjerë.
Më vonë, në Elbasan një makinë përplasi një biçikletë.
Nga aksidenti drejtuesi i biçikletës mori plagë të rënda dhe u dërgua menjëherë në Spitalin e Traumës në Tiranë.
Më pas, në mesditë u raportua se tre makina kanë përfunduar në kanal në aksin Lezhë-Laç.
Nga ky aksident pati vetëm dëme materiale.
Po ashtu, edhe një aksident tjetër përfundoi vetëm në dëme materiale.
Një BMW u përplas me një Opel në Korçë dhe fatmirësisht nuk pati viktima.
Së fundmi, raportohet për një aksident në Malin e Robit, ku 4 makina janë përplasur me njëra- tjetrën, sërish pa dëme në njerëz.
Si duket, rritja e fluksit të qarkullimit nga festat e fundvitit ka rritur numrin e aksidenteve.
