Durrës/ ‘Pirati’ i natës… i riu 20-vjeçar e paguan “shtrenjtë” mosbindjen ndaj policisë

Google+ Pinterest LinkedIn Tumblr +

Shkelja e ndalimqarkullimit dhe urdhrave të policisë për ndalim, i ka kushtuar shtrenjtë një djaloshi të “pabindur” nga Durrësi.

Djali 20-vjeçar në qytetin bregdetar, ka injoruar urdhrin e Policisë për të ndaluar makinën e tij tip “Benz”, me të cilën po qarkullonte në lagjen nr.1 të qytetit.

I riu me iniciale Xh.V., jo vetëm nuk e përfilli urdhrin dhe nuk ndaloi, po i dha gaz makinës dhe tentoi të largohej me shpejtësi. Mirëpo në panik e sipër, ai ka përplasur disa makina të tjera të parkuara.

Policia e Durrësit e ka ndjekur nga pas dhe ka arritur ta ndalojë në lagjen nr. 17, duke i vënë prangat.

“Policia e Durrësit njoftoi se në vijim të kontrolleve, në lagjen nr.1, Durrës i ka bërë shenjë për të ndaluar një makine “Benz” me drejtues Xh.V, i cili jo vetëm që nuk i është bindur urdhrit, por është larguar duke dëmtuar dhe disa mjete të parkuara.

Shërbimet e Policisë në lagjen nr.17, Durrës, kanë bërë të mundur ndalimin e makinës dhe arrestimin e shoferit 20-vjeçar.

Mbi të riun Xh.V, 20 vjeç nga Durrësi rënduan dy akuza: “Mosbindja ndaj urdhrit të policisë” dhe “Largimi nga vendi i aksidentit”, i shtetasit Xh. V., 20 vjeç, banues në Durrës”.

/GazetaReforma.com/

 

Shpërndaje
Share.

Komento