Mbledhja e sotme e Komisionit të Reformës Zgjedhore ka nisur me debate të forta.
Protagonistë janë bërë kreu i Komisionit, Damian Gjiknuri dhe deputeti Kujtim Gjuzi.
Gjithçka nisi pasi Rudina Hajdari i dha fjalën përfaqësuesve të shoqërisë civile.
Në këtë moment ndërhyri Gjuzi dhe kërkoi të marrë fjalën.
Ndërhyrja nuk është pranuar dhe kaq ka mjaftuar, që Gjuzi të nervozohet.
Ky i fundit deklaroi se nuk e njeh Komisionin dhe doli jashtë.
Debati:
Hajdari: Fjalën e ka Shoqëria Civile
Gjuzi: Do flas unë
Gjiknuri: Nuk mund të flasësh ti, e ka radhën Shoqëria Civile
Gjuzi: Nuk mund të kontrollosh ti, do flas se s’bën
Gjiknuri: Nuk je anëtar ti, ca procedure thua
Gjuzi: Procedura këtu do vijë se s’bën, se janë 44 parti që kanë sjellë draftin dhe e mbani dy vjet aty
Gjiknuri: Nuk mund të marrësh fjalën
Gjuzi: Unë nuk e njoh këtë komision me bashkëkryetar Damian Gjiknurin nuk e njoh 0mer dosjen, ngrihet nga vendi dhe del)
Gjiknuri: Ik dil jashtë. Ik je në konflikt me logjikën, të lutem tani, vazhdo tani, hajde
Gjuzi: Më thua mua nuk je anëtar ti.
Gjithashtu në nisje të mbledhjes, Gjiknuri tha se është në pritje të propozimeve nga opozita jashtë parlamentit.
Edhe bashkëdrejtuesja e Komisionit, Rudina Hajdari, deklaroi se do të merret mendimi i të gjithë aktorëve politikë, edhe atyre jashtë parlamentit.
