Dialogu Prishtinë-Beograd, këshilltari i lartë i DASH: Procesi po zvarritet, BE t’i japë ultimatum Serbisë!

Google+ Pinterest LinkedIn Tumblr +

Ish-këshilltari i lartë i DASH-it dhe njohësi i mirë i Ballkanit, David Philips, në një intervistë për RTV Dukagjinin në Kosovë, ka deklaruar se procesi i dialogut mes Kosovës dhe Serbisë po zvarritet.

Sipas tij ka ardhur koha që shtetet e perëndimit t’i japin ultimatum Serbisë për finalizimin e marrëveshjes më Kosovën. David Philips thotë se dialogut i mungon qartësia.

“Duhet të kemi një agjendë të qartë për dialogun. Qartësia ka munguar në negociatat mes Kosovës dhe Serbisë. A po negociojnë palët për njohje të ndërsjellë? A po flasin për aranzhime tjera si pjesë e një strategjie për zbutje të konfliktit?

Pikëpamja ime personale është se dialogu duhet të përqendrohet te njohja e Kosovës nga Serbia si vend sovran brenda kufijve aktual. Kjo është mënyra e vetme për një marrëveshje të qëndrueshme dhe paqësore”, deklaroi Philips.

Philips mendon se Perëndimi duhet t’i japë ultimatum Serbisë, ose të pranojë marrëveshjen ose ta lërë fare, teksa i mshon faktit se marrëveshja e 4 shtatorit në Uashington nuk solli asgjë.

Kujtojmë se fillimisht procesi i dialogut midis Prishtinës dhe Beogradit nisi që në vitin 2010, kur kryeministër ishte Hashim Thaçi dhe kryenegociatore ish-ministrja e Jashtme Edita Tahiri.

Gjatë një dekade, procesi i dialogut ka pasur shumë luhatje dhe shpesh herë për shkak të incidenteve diplomatike është pezulluar mes palëve negociatore./Gazetareforma.com/

Shpërndaje
Share.

Komento