Një 65-vjeçar nga Shkodra, Mark Gjokaj, është arrestuar nga Policia për dhunë në familje.
Sipas njoftimit zyrtar, Gjokaj ushtronte dhunë të vazhdueshme ndaj bashkëjetueses së tij, në prani të fëmijës së mitur, si dhe i kanoste të dy për jetën.
Gjatë kontrollit në banesë, Policia gjeti dhe sekuestroi një armë gjahu, të cilën ai e mbante pa leje.
Njoftimi i Policisë:
Shkodër/Ndërhyrja e shërbimeve të Policisë parandalon përshkallëzimin e dhunës në një familje.
Dhunonte vazhdimisht bashkëjetuesen e tij, në prezencë të fëmijës së tyre të mitur, dhe i kanoste të dy për jetën, kapet në flagrancë dhe vihet në pranga 65-vjeçari.
Sekuestrohet një armë gjahu, që ky shtetas e posedonte pa leje, në banesë.
Shërbimet e Komisariatit të Policisë Shkodër, pas marrjes së njoftimit nga një shtetase, se bashkëjetuesi i saj e kishte dhunuar vazhdimisht dhe e kishte kanosur për jetën, kanë ndërhyrë menjëherë për kapjen e këtij shtetasi.
Si rezultat i veprimeve të shpejta, është arrestuar në flagrancë shtetasi shtetasi M. Gj., 65 vjeç.
Gjatë kontrollit në banesë, shërbimet e Policisë kanë gjetur dhe sekuestruar një armë gahu, që ky shtetas e mbante pa leje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
