Samuel Troshani dhe Izmir Sakica, të vetëdorëzuar dy ditë më parë në Policinë e Shkodrës, kanë dorëzuar gjithashtu dy armë zjarri.
Burime zyrtare bëjnë me dije se Sakica dorëzoi një pistoletë ngjyrë të zezë, me mbishkrimin “Glock” dhe një krehër, ndërsa Troshani dorëzoi një armë zjarri të tipit kallashnikov, me dy karikatorë të lidhur.
Armatimi është dërguar në laboratorin e Policisë Shkencore për ekzaminim, ku dyshohet se bëhet fjalë për armë të kategorisë sportive dhe jo funksionale për qitje.
Të dy shtetasit ndodhen aktualisht nën masë sigurie për një incident të ndodhur më parë në Shkodër, ku Vladimir Bruçi u dhunua fizikisht. Ata pritet të dalin para Gjykatës së Shkodrës për të vijuar procedurat ligjore.
Ndërkohë, Troshani dhe Sakica janë marrë në pyetje edhe për masakrën e Dobraçit, por kanë mohuar çdo përfshirje në ngjarje, duke paraqitur alibi për vendndodhjen e tyre në momentin kur ndodhi krimi.
