Deklarata e Yuri Kim shqetëson politikanët: Pas kryeministrit, reagon edhe Lulzim Basha

Google+ Pinterest LinkedIn Tumblr +

Një deklaratë e ambasadores amerikane Yuri Kim duket se ka trazuar ujërat në politikë.

Më herët Kim ka uruar 3 prokurorët e rinj të SPAK, por bashkë me urimin, ambasadorja Kim ka shpërndarë edhe një paralajmërim.

Me anë të një postimi në rrjetet sociale, Kim është shprehur se ka dëgjuar se në vend është bërë një marrëveshje për të penguar në Reformën në Drejtësi, duke shkruar se shpreson që fjalët të mos jenë të vërteta, pasi Reforma duhet të vazhdojë.

LEXO: Yuri Kim paralajmëron: Kam dëgjuar për një marrëveshje pas krahëve për të vrarë Reformën në Drejtësi

Pak minuta pas deklaratës së diplomates amerikane ka reaguar edhe kryeministri Edi Rama.

Në një koment në statusin e Kim në Twitter, kreu i qeverisë Rama ka shkuar thjesht; Bie dakord! duke vendosur pranë njëri-tjetrit, flamurin amerikan, atë të BE dhe atë shqiptar.

Po ashtu, Rama ka shpërndarë edhe një shprehje të shkrimtarit William Shakespeare: Ferri është bosh pasi të gjithë djajtë janë këtu.

LEXO: Rama i përgjigjet Yuri Kim për marrëveshjen pas krahëve: Ferri është bosh, djajtë janë këtu 

Pas Ramës, tashmë ka reaguar edhe kryedemokrati Lulzim Basha.

Basha ka ripostuar deklaratën e ambasadores amerikane për Reformen në Drejtësi, ndërsa shprehet se, ndryshimet e bëra për Reformën nga Parlamenti aktual i shërbejnë mazhorancës për të kontrollur dhe kapur politikisht sistemin.

“Çdo ndryshim kushtetues dhe ligjor në lidhje me reformën në drejtësi nga ky parlament është ilegjitim. Ndryshime të tilla u shërbejnë vetëm atyre që e përdorin pushtetin për të devijuar dhe për të minuar reformën, për të kontrolluar politikisht dhe për të kapur sistemin e drejtësisë.”,- komenton Basha.

Shpërndaje
Share.

Komento