Persona të maskuar dhe të armatosur tentuat të grabisnin mbrëmjen e djeshme një banesë në kryeqytet.
Në momentin e grabitjes, në shtëpi ndodheshin çifti Petrit dhe Afërdita Laze, si dhe vajza e tyre.
Çifti u përlesh me grabitësit, të cilët nxorrën armët dhe qëlluan burrë e grua.
Petriti dhe Afërdita u transportuan në spital, ku kryefamiljari kishte një plagë të rëndë në pjesën e poshtme të barkut.
Afërdita Laze ka dhënë dëshminë e saj përpara grupit hetimor, ku ka sqaruar sesi ndodhi ngjarja.
Ajo është shprehur se njëri nga autorët i drejtoi pistoletën bashkëshortit të saj. Pasi dëgjoi të shtëna, ajo doli me vrap në korridor, ku u qëllua më pas nga autorët.
“Ndodheshim brenda në shtëpi. Vajza dëgjoj zhurmë dhe na tha dikush po hyn brenda. Petriti doli në korridor dhe një nga autorët i drejtuan pistoletën. Pasi dëgjova të shtënën dola dhe më qëlluan. Autoret kapërcyen murin dhe ikën me vrap. Kërkonin vetëm lekë. Nuk munden të merrnin gjë”, tha ajo.
Hetuesit dyshojnë se autorët janë të afërm të familjes, ose punëtorë në dy furrat e bukës që çifti zotëronte.
Kjo për shkak se grabitësit e njihnin mjaft mirë banesën dhe u futën nga pjesa e prapme, ku nuk kishte kamera.
Mjegulla e dendur në kryeqytet ka vështirësuar punën e hetuese, të cilët nuk kanë arritur të dentifikojnë makinën me të cilën janë larguar autorët.
