Departamenti Amerikan i Shtetit ka shpallur sot ‘non grata’ dy zyrtarë shqiptarë të Maqedonisë së Veriut.
Departamenti Amerikan i Shtetit (DASH) ka bërë të ditur se sanksionet përfshijnë Artan Grubin, ish-zëvendëskryeministër i Maqedonisë së Veriut, dhe Enver Bexhetin, gjyqtar në Gjykatën e Apelit të këtij vendi.
Sipas njoftimit, ata akuzohen për korrupsion dhe marrje ryshfeti, duke ndërhyrë në proceset gjyqësore që lidhen me rastin penal të Sasho Mijalkov.
“Në bazë të Seksionit 7031(c), Departamenti i Shtetit ka përcaktuar publikisht Artan Grubin dhe Enver Bexhetin për përfshirjen e tyre në korrupsion të rëndësishëm duke pranuar ryshfete për të minuar proceset gjyqësore të lidhura me dënimin penal të Sasho Mijalkov, drejtor i Administratës për Siguri dhe Kundërzbulim (UBK) të Maqedonisë së Veriut. Mijalkov u përcaktua në vitin 2022 për korrupsion të rëndësishëm sipas Seksionit 7031(c) dhe u sanksionua nga OFAC në bazë të Urdhrit Ekzekutiv 14033. Si pjesë e këtij veprimi, anëtarët e menjëhershëm të familjes së Grubit gjithashtu janë përcaktuar”, shkruhet në njoftimin e DASH.
