Departamenti i Shtetit Amerikan futi në listën e zezë Artan Grubi, ish-zëvendëskryeministër nga radhët e BDI-së.
Grubi ka reaguar ndaj këtij vendimi përmes një statusi në faqen e tij në Facebook, duke deklaruar se nuk disponon asnjë informacion lidhur me këtë vendim.
Ai shtoi se do të vazhdojë të bëjë përpjekjet maksimale për të çuar vendin drejt anëtarësimit në NATO dhe BE.
“Në mungesë të informacioneve të hollësishme, u informova nga mediat për vendimin e sotëm të Departamentit të Shtetit.
Do të bëj përpjekje maksimale me të gjithë ata miq, me të cilët kemi punuar bashkë ndër vite për ta anëtarësuar vendin në NATO dhe në Bashkimin Europian, për ta zbardhur këtë rast në tërësi”, shkruan Grubi.
