COVID-19 në Greqi/ Zgjaten masat kufizuese, ja deri kur do qëndrojë i mbyllur kufiri me Shqipërinë

Greqia vijon të kenë një numër të lartë të infektuarish me koronavirus, kjo edhe për shkak të fluksit të turistëve që vijnë prej vendeve të Europës.

Më e përkeqësuar situata me Covid-19 është në Athinë dhe rrethinat e saj, çfarë ka detyruar qeverinë greke, që të zgjasë masat kufizuese.

Kjo ka bërë që Greqia të mbajë të mbyllur kufirin edhe për 12 ditë me Shqipërinë, Maqedoninë e Veriut dhe Turqinë, me të cilat kufizohet me rrugë tokësore.

Masa do të jetë e vlefshme deri më 12 tetor, teksa në Greqi probleme ka vetëm rajoni i Atikës, dhe shpërthimet e infektimeve nga COVID-19 janë në kryeqytet, Athinë.

Por duket se kjo ka prekur edhe Shqipërinë, teksa do të vijojë rregulli i mëparshëm me 300 qytetarë që lejohen të kalojnë nga Kapshtica brenda 24 orëve dhe 750 nga Kakavija, me test negativ PCR për COVID-19, vërtetim të përkthyer dhe formularin PFL grek.

/GazetaReforma.com/