Coronavirusi në Shqipëri: Do ngrihet një spital karantinë, struktura e re gati brenda 20 ditësh

Google+ Pinterest LinkedIn Tumblr +

Në mbledhjen e thirrur nga kryeministri Edi Rama, ministrja e Shëndetësisë dhe Mbrojtjes Sociale, Ogerta Manastirliu, ka dhënë një tjetër lajm.

Manastirliu tha se brenda 20 ditëve do të jetë përshtatur struktura e re e një spitali karantinë, i cili do të shërbejë për trajtimin e pacientëve që nuk janë në gjendje të rëndë.

Ministrja tha se është bërë një vlerësim për një objekt që po shqyrtohet për ta kthyer në një strukturë spitalore bazë për ata pacientë të cilët do të kenë nevoja të trajtimit jo të specializuar.

“Po bëjmë gati të ngremë një strukturë të re, një spital karantinë për rastet jo të rënda. Kemi bërë sot një investigim në vendin ku mendojmë dhe besojmë të jetë ky objekt i cili do t’i nënshtrohet edhe një rehabilitimi dhe më pas edhe një plotësimi të nevojave bazë, me mobilimin spitalor dhe me aparaturat bazike që ne vlerësojmë për të pasur së afërmi dhe për të përballuar fluksin për ata pacientë që nuk do të jenë në gjendje të rëndë”, tha Manastirliu.

Po ashtu, Manastirliu ka deklaruar se kanë mbërritur në vendin tonë materialet nga Turqia të cilat do të shërbejnë për sigurinë e pacientëve, një pjesë e të cilave janë shpërndarë, ndësa stoku është i konsiderueshëm.

Armë për mbrojten e jetës së pacientëve dhe mjekëve, Manastirliu: “Kemi rritur stokun që kishim për më shumë siguri”

Në mbledhje morën pjesë gjithashtu edhe ministrja e Financave, Anila Denaj, ministrja e Drejtësisë Etilda Gjonaj, ministrja e Mbrojtjes Olta Xhaçka, koordinatori i situatës aktuale Arben Ahmetaj dhe ministri i brendshëm Sandër Lleshaj.

“Faturat e dritave dhe taksat do paguhen një për një. Kurseni se s’u bë deti kos!”, Rama mbledh ministrat

Shpërndaje
Share.

Komento