Alarmohet Vatikani, infektohet me Coronavirus bashkëpunëtori i ngushtë i Papës

Google+ Pinterest LinkedIn Tumblr +

Coronavirusi ka alarmuar sërish Vatikanin.

Mediat italiane raportojnë se një bashkëpunëtor i Papa Françeskut ka rezultuar pozitiv me COVID-19 dhe është shtruar në spital në gjendje jo të rënduar, por ka shtuar edhe njëherë panikun në selinë e Shenjtë.

Nuk dihet ende me kë ka kontaktuar, por, ndërkohë, Vatikani ka marrë masa të ashpra kundër përhapjes së virusit, duke mbyllur gjithçka.

Italia vijon të goditet nga Coronavirusi dhe në 24 orët e fundit janë shënuar 683 viktima, duke e çuar numrin total të viktimave në 7, 503 dhe atyre të infektuar në 74, 386 persona.

Mediat italiane bëjnë me dije se 3, 468 pacientë po kurohen në terapi intensive, 23, 112 në struktura spitalore dhe 30, 920 në kushte shtëpie.

Gjithashtu, janë shëruar në total 9, 362 pacientë, teksa Lombardia vijon të jetë rajoni më i prekur, ku deri më tani kanë humbur jetën 4, 474 persona dhe janë infektuar 32, 346 të tjerë.

Bilanci i të prekurve në rang botëror po rëndohet çdo ditë e më shumë, numri i tyre ka shkuar në 452, 157 mijë personave të prekur, ndërsa 20, 494 mijë të tjerë kanë ndërruar jetë.

Më të prekurat janë Italia dhe Spanja e cila renditet e dyta për numrin e viktimave, ndërsa Kina po përmirësohet çdo ditë e më shumë.

Edhe Amerika është në gjendje të vështirë pasi atje COVID-19 po përhapet me shpejtësi, teksa OBSH parashikoi se SHBA-ja do të jetë epiqendra e radhës.

Në vendin tonë kanë humbur jetën 5 viktima dhe janë prekur 146 persona, teksa në Kosovë ëshë shënuar një viktimë dhe janë infektuar 63 persona.

Shpërndaje
Share.

Komento