Nga foltorja e kuvendit zv.kryeministri Erjon Braçe ka thënë se disa deputetë të PS kanë hyrë në politikë nga dhuna barbare politike.
Braçe hodhi akuza në drejtim të opozitës duke i quajtur “pisa” dhe sipas tij duhet të shkojnë me këmbët e veta përballë SPAK-ut e BKH-së, organet e reja të drejtësisë. Ai shtoi se ata pushkatuan pa gjyq 4 njerëz të ndershëm në Bulevard.
“Në këtë sallë Ruçi, Rama, Majko, Braho, Cela, Xhelili, Angjeli, Xhakolli, Xhafaj, Balla, Xhevit Bushi, Bare, Ulqini, Fino, Risto, Qefalia, Edi Leka, Ismet Beqiri, Nasufi, Bushati, Pellumbi, Xhindi dhe unë, kemi hyrë në politikë nga dhuna barbare politike nga regjimi dhe pastaj nga cikli tjetër i dhunës të gjithë deputetët e tjerë kanë hyrë përmes dhunës barbare në zgjedhjet e vitit 2009.
Do doja që të lusja të gjithë ata pisa që nga foltorja e Kuvendit të marrin kurajon dhe t’i drejtohen socialistëve të ndershëm. Qepeni! Krimet barbare me banditë që dilnin nga burgjet që i kanë ndjekur prapa këta njerëz këtu. Ju që përmendi SPAK dhe BKH duhet të jepuni përgjegjësi. Ju pushkatuat pa gjyq 4 njerëz të ndershëm në Bulevard. Krimet elektorale që nga viti 1992 ju bëjnë që të largoheni. Basha do t’ju marrë bizneseve 0,5% të fitimit në vit me planin e tij”- tha Brace.
