Biznesmeni u pagoi shpenzimet për “El Clasicon”, ja sa vite burg kërkon prokuroria për gjyqtarët e Durrësit

Google+ Pinterest LinkedIn Tumblr +

Prokuroria e Krimeve të Rënda ka kërkuar 3.5 vite burg, për gjyqtarët e gjykatës së Durrësit, Kliton Spahiu, Petrit Çeno dhe Petraq Dhimitri.

Ndërkohë për biznesmenin Namik Sadiku, organi i akuzës, kërkoi 2 vite burg, shkruan “Shqiptarja.com”.

Të tre gjyqtarët akuzohen për  “Korrupsion pasiv të gjyqtarëve, prokurorëve apo punonjësve të tjerë të Drejtësisë”.

Hetimet ndaj tyre u kryen nga prokurorë Arenc Çela dhe Klodian Braho.

Ndaj tyre u aplikua gjykimi i shkurtuar,  kësisoj gjyqtarët do të përfitojnë uljen me 1/3 të dënimit.

Kujtojmë këtu se Petrit Çeno, Kliton Spahiu dhe Petraq Dhimitri, 5 vite më parë shkuan në Spanjë, ku ndoqën edhe “El Classicon”.

Ata ishin të shoqëruar nga biznesmeni durrsak, Namik Sadiku, i cili pagoi të gjitha shpenzimet.

Ky i fundit ishte palë në një gjyq në Apelin e Durrësit, ku relator ishte Spahiu, ndërsa  Çeno dhe Dhimitri ishin anëtarë të trupit gjykues.

Gjyqtari Petrit Çeno ndërkohë u shkarkua në shkurt të këtij viti nga Komisioni i Pavarur i Kualifikimit, pasi rezultonte se kishte fshehur pasurinë.

Shpërndaje
Share.

Komento