Një aksident automobilistik është regjistruar pak momente më parë në aksin Tiranë-Durrës.
Sipas ‘Newsbomb’, dy makina të tipit ‘Fiat Bravo’ dhe ‘Mercedes Benz CLS’,janë përplasur kokë më kokë.
Përplasja ka ndodhur në rrugën e vjetër që kalon nga Ndroqi, në fshatin Arapaj.
Si pasojë e aksidentit, Benzi ka dalë nga rruga.
Të plagosur kanë mbetur 4 persona, dy prej të cilëve drejtuesit e automjeteve.
Ata janë dërguar me urgjencë në spitalin e Durrësit dhe ndodhen nën kujdesin e mjekëve.
Nuk ka ende të dhëna për gjendjen e tyre shëndetësore.
Policia ka shkuar menjëherë në vendngjarje dhe po punon për zbardhjen e rrethanave të aksidentit.
