Me një mesazh drejtuar shqiptarëve me rastin e festave të fundvitit, Ambasadori i Shqipërisë në Turqi Gent Gazheli, dha njoftimin se gjuha shqipe do jetë si mundësi për t’u zgjedhur si gjuhë e huaj nga nxënësit në shtetin turk.
Kjo gjë u konsiderua si arritje e rëndësishme e Ambasadorit të Shqipërisë.
Gjithashtu Gazheli evidentoi të gjitha sfidat dhe arritjet gjatë vitit 2018 dhe tha se marrdhëniet strategjike me Turqinë janë të përsosura sepse ambasada i ka përmbushur më së miri sfidat që i janë shfaqur.
“2018-a po mbledh rrezet e fundit dhe kjo ambasadë mendon se i ka përmbushur më së miri sfidat që u shfaqën. Sfidat tona në të shumtën e rasteve ishin dhe janë kurorëzim suksesesh. Viti që po lëmë, për nga ana e realizimit të objektivave, mund të thuhet se ka shumë pika për tu vënë në pah. Natyrisht, marrëdhëniet strategjike me Turqinë janë të përsosura dhe ne vazhdojmë të punojmë për cilësi të lartë në këtë aspekt. Gjithësesi, krahas këtyre marrëdhënieve të mira politike, fusha ekonomike mbetet përparësi, ku duhet punuar më tepër për këtë qëllim. Në këtë pikë ndërhyrja e Turqisë është thelbësore”, tha Gazheli.
