Një aksident fatal ka ndodhur mëngjesin e sotëm në rrugën Fushë Krujë-Kurbin, ku një mjet tip Audi është përplasur me bordurën.
Si pasojë e aksidentit pasagjeri 26-vjeçar ende i paidentifikuar, ka humbur jetën, ndërsa shoferi i makinës është dërguar me urgjencë në spital.
Policia raporton se një mjet tip Audi ka humbur kontrollin dhe për pasojë në afërsi të Borizanës është përplasur me bordurën anësore të rrugës.
Grupi i hetimit ndodhet në vendngjarje dhe po punon për zbardhjen e saj.
Njoftimi i Policisë:
Fushë Krujë/Informacion paraprak
Më datë 07.10.2020, rreth orës 06:30, në rrugën Fushë Krujë-Kurbin, në Borizanë, mjeti tip “Audi”, ka humbur kontrollin duke u përplasur me bordurën anësore të rrugës, e për pasojë ka ndërruar jetë pasagjeri në mjet rreth 26 vjeç, ndërsa drejtuesi i mjetit është dërguar në spital nën kujdesin e mjekëve.
Grupi hetimor ndodhet në vendngjarje dhe po punon për zbardhjen e ngjarjes.
