Aksident në autostradën Vlorë-Fier, një 23-vjeçare humb jetën

Google+ Pinterest LinkedIn Tumblr +

Një aksident i rëndë ka ndodhur mbrëmjen e sotme në afërsi të fshatit Panaja në Vlorë, ku humbi jetën një 23-vjeçare.

Pamje të rënda janë publikuar teksa shihet se makina ka rënë në kanal ndërsa Syri.net shkruan se  trupi i të resë ka dalë nga automjeti dhe është marrë përpara 50 metra nga makinat e tjera që ishin në lëvizje.  .

Mjeti i aksidentuar ka qenë tip “Hyndai” me targa AA163XO. Në të udhëtonin  Anxhela Çapo dhe Silvana Muho dhe aksidenti ka ndodhur si pasojë e përplasjes me trafik-ndarësen e më pas ka përfunduar në kanal. E reja që drejtonte mjetin, Anxhela Çapo nuk ka mundur të mbijetojë dhe ka humbur jetën në vend. Ndërkohë, Silvana Muho është dërguar në spitalin e Vlorës në gjendje të rëndë shëndetësore.

Balkan Web ka publikuar foto ku shihet se makina ka pësuar dëme të mëdha dhe është tërësisht e shkatërruar.Ende nuk dihen shkaqet dhe rethanat e aksidentit por  forcat e policisë dhe zjarrëfikësja kanë mbërritur në vendngjarje për të nxjerrë trupin e pajetë të 23-vjeçares dhe të plagosurës.

Detaje të reja priten të publikohen në vazhdim edhe mbi gjendjen e vajzws së plagosur.

Një aksident i ngjashëm ka ndodhur mbrëmjen e djeshme në Vlorë ku ka humbur jetën një punonjës policie.

Shpërndaje
Share.

Komento