Ish-deputeti Belind Këlliçi sot ka publikuar disa dokumente mjaft të rëndësishme, në lidhje me inceneratorin e Tiranës, një marrëveshje, dokumente të tjera të kompanisë dhe email-e të shtetasit Mirel Mërtiri në lidhje me shembjen e Teatrit Kombëtar.
Dokumentet janë publike tashmë, të vendosura edhe në faqen e Partisë Demokratike:
Duket qartazi se tashmë një nga drejtorët e rëndësishëm të Erion Veliajt po bëhet gati që të jetë kurbani i radhës.
Taulant Tusha duket se është njeriu në situatën më të vështirë dhe këtë e thonë burime nga Bashkia e Tiranës për CNA.
Gjithashtu, sqarojmë faktin se Belind Këlliçi e ka quajtur atë “bankomatin” e Veliajt, në fakt sipas të njejtave burime, Taulant Tushes i thërrasin “çanta”.
Gjithsesi, kjo është pak e rëndësishme. E rëndësishme është fakti që dokumente të reja po dalin për inceneratorët, afera vazhdon të denoncohet, të dërgohet deri në fund për të nxjerrë përballë drejtësisë të gjithë personat përgjegjës të një afere rreth 110 milionë euro në inceneratorin e Tiranës, që ka blerë media, që i ka korruptuar ato, që përdor shantazhet dhe presionet, gjobat dhe marionetat për të shpëtuar nga dënimi vjedhësit e pasurisë së shqiptarëve, për të shpëtuar nga skema një individ të caktuar, por mesa duket rruga e tyre është pa krye.
Sot janë bërë publike një pjesë e fakteve dhe dokumenteve të tjera, ashtu siç CNA kishte paralajmëruar disa ditë më parë, ku theksuam se do të çohen të tjera dokumente nga ekspertë të opozitës në SPAK.
Ndërkohë, mësohet se do të ketë të tjera dalje dhe reagime në lidhje me çështjen e inceneratorëve me dokumente e fakte, të cilat do të fundosin përfundimisht këdo që është përshirë në aferën 110 milionë euroshe të inceneratorit të Tiranës./CNA
