Gjatë ditës së sotme, kryeministri i vendit tonë Edi Rama, ka prezantuar për popullin një nismë të re. Kjo e fundit ka të bëjë me këshillimin kombëtar me qytetarët. Në fjalën e tij, Rama u shpreh se kjo nismë, do të jetë me pyetje.
Konkretisht sipas Edi Ramës, shqiptarët do të pyeten për tema të ndryshme në vendin tonë dhe opinionin që ata kanë. Një prej këtyre pyetjeve që do iu drejtohet qytetarëve, do të jetë edhe në lidhje me legalizimin e kanabisit për qëllime mjekësore, ashtu si në shumë vende të tjera.
Ndërkohë sipas Ramës, për legalizimin e kësaj droge nuk duhet të presim më, por të merret një vendim përfundimtar.
Edi Rama:
Kultivimi dhe përpunimi i monitoruar i kanabisit për qëllime mjekësore, pa e legalizuar përdorimin për arsye të tjera, është sot një instrument që sot shumë vende po e përdorin për të fuqizuar ekonomitë e tyre. Sot në Shqipëri ka njerëz që thonë nuk është ende koha që Shqipëria të hyjë në këtë proces. Një ndër ta kam qenë dhe unë, deri në një moment të caktuar që e kam kundërshtuar se nuk është ende koha. Në këndvështrimin tim dhe tonin duket se ne nuk mund të presim më. Sidoqoftë, kjo është një vendimmarrje që ne na duhet më shumë sesa bindja jonë. Na duhet të kapërcejmë përtej kartonit, dhe të marrim një opinion shumë më të gjerë nga të gjithë shqiptarët.
