Koronavirusi po vazhdon të marrë fatkeqësisht jetë mjekësh. Mësohet se mjeku nga Gjirokastra Frederik Kekezi u nda nga jeta pasditen e sotme, pasi humbi betejën me koronavirusin.
Mjeku i njohur Kekezi, ishte anatomopathollog pranë spitalit të Gjirokastrës. Ai ka mbuluar për shumë vite edhe problemet e kriminalistikës në këtë qytet, në rolin e mjekut ligjor.
Ndërkohë situata e pandemisë në vend vijon të jetë shqetësuese, megjithëse në 24 orët e fundit u shënua një ulje e numrit të rasteve. Ministria e Shëndetësisë raporto ditën e sotme i 661 raste të reja dhe 13 humbje jete./Gazetareforma.com/
