Alphonso Davies (Bayern) kryeson listën ekskluzive të observatorit të futbollit CIES me futbollistët e rinj të lindur në vitet 2000 me vlerën më të lartë të kartonit. Anësori i kampionëve të Gjermanisë është i pari me vlerën e kartonit 180 milionë euro.
Fituesi i Champions League lë pas Jadon Sanchon (Borussia Dortmund, 125 milionë euro) dhe Ansu Fatin (Barcelona, 123 milionë euro).
Në këtë listë nuk mund të mungonte mbrojtësi i talentuar shqiptar i Romës, Marash Kumbulla, i cili e ka vlerën e kartonit 21.6 milionë euro, i 27-ti në këtë klasifikim specifik. Në kampionatin italian, vetëm Kulusevski i Juvenusit ka vlerë më të lartë se Kumbulla, ndërsa Sandro Tonali i Milanit është pas shqiptarit.
Sipas algoritmit të CIES, në mesin e 12 futbollistëve të 5 ligave krysore të lindur në vitet 2000 me një vlerë më të madhe se 50 milionë euro janë katër anglezë (Jadon Sancho, Mason Greenwood, Bukayo Saka, Phil Foden), dy spanjollë (Ansu Fati , Ferran Torres), dy brazilianë (Rodrygo Goes, Vinícius Júnior), një kanadez (Alphonso Davies), një norvegjez (Erling Haland), një suedez (Dejan Kulusevski) dhe një francez (Eduardo Camavinga).
Dy lojtarë të lindur në vitin 2003 figurojnë në listën e 100 më të mirëve: Jude Bellingham (Borussia Dortmund, 44 milionë euro) dhe Florian Wirtz (Bayer Leverkusen, 16 milionë euro).
