Kryeministri Edi Rama ka emëruar si këshilltar për çështjet e sigurisë ish-prefektin e Elbasanit.
Gjeneral Major Maksim Malaj është emëruar me Vendim të Këshillit të Ministrave në këtë post duke zëvendësuar kështu Sandër Lleshaj, aktualisht ministër i Brendshëm.
Malaj deri në kohën e emërimit në këtë detyrë mbante postin e Prefektit të Qarkut të Elbasanit, detyrë në të cilën u emërua Gledian Llatja.
Ky i fundit lakohet si kandidati potencial i të majtës për kandidat për kryetar i bashkisë së Elbasanit në zgjedhjet e 30 qershorit.
