Ministri i Brendshëm, Sandër Lleshaj, i ka habitur të gjithë me një deklaratë të tij, në emisionin ‘Kjo Javë’.
Teksa po komentonte situatën e krimit në vend, ministri u shpreh se në asnjë mënyrë nuk mund ta kthejë zero, sepse kjo ndodh vetëm në një regjim komunist.
Lleshaj, për të provuar idenë e tij, u tha dy moderatorëve se gjatë viteve 70-80, kur Shqipëria ishte e bllokuar nga regjimi, nuk kishte as vrasje dhe as kultivim lëndësh narkotike.
“Vetëm diktaktura e bën 0 krimin. Se e bën vetë shteti krimin. Nuk kemi pasur drogë këtu në vitin 1985. Është fakt. Një shoqëri demokratike nuk e ndalon dot. Thuhet u bë nami për një vrasje. Kjo gjë do të ndodhi përsa kohë do të kemi liritë. Rëndësi ka si i kemi instrumentat mbi të,”-tha Lleshaj.
/GazetaReforma.com/
