Policia e Kavajës ka arrestuar ditën e sotme një të ri nga Elbasani pasi dyshohet se ka kryer tre vjedhje në zona të ndryshme të qyetit.
Në njoftimin e policisë thuhet se në pranga ka rënë një 26-vjeçar me iniciale F.P i shpallur në kërkim për vjedhje dhe veprimtari të tjera kriminale në mënyrë të vazhdueshme.
Shërbimet e Policisë Kavajë, pas marrjes së njoftimit se në Golem, Kavajë, ishte vjedhur me thyerje marketi në pronësi të shtetasit K. Gj., 30 vjeç, bazuar dhe në pamjet filmike, kanë organizuar menjëherë punën duke ngritur pika kontrolli për kapjen e autorit.
Gjatë kontrollit të ushtuar në tri çanta që ky shtetas mbante me vete, u gjetën disa pije alkoolike dhe artikuj të ndryshëm të vjedhur në marketin e shtetasit K. Gj., si dhe një sasi lekësh.
Ndërkohë, vijon puna për dokumentimin edhe të disa rasteve të tjera të vjedhjeve në të cilat mund të jetë i implikuar ky shtetas.
Njoftimi i policisë
Kavajë
I shpallur në kërkim për vjedhje dhe vijonte të kryente të njëjtën veprimtari kriminale, arrestohet në flagrancë 26-vjeçari.
Sekuestrohen në cilësinë e provës materiale disa nga sendet e vjedhura.
Zbardhen dhe dokumentohen 3 vjedhje të kryera nga ky shtetas.
Shërbimet e Policisë Kavajë, pas marrjes së njoftimit se në Golem, Kavajë, ishte vjedhur me thyerje marketi në pronësi të shtetasit K. Gj., 30 vjeç, bazuar dhe në pamjet filmike, kanë organizuar menjëherë punën duke ngritur pika kontrolli për kapjen e autorit.
Si rezultat i ngritjes së pikës së kontrollit u bë kapja dhe arrestimi në flagrancë i shtetasit F. P., 26 vjeç, banues në Elbasan. Gjatë kontrollit të ushtuar në tri çanta që ky shtetas mbante me vete, u gjetën disa pije alkoolike dhe artikuj të ndryshëm të vjedhur në marketin e shtetasit K. Gj., si dhe një sasi lekësh.
Ky shtetas u shoqërua në Komisariatin e Policisë Kavajë, ku nga verifikimet ka rezultuar shtetas në kërkim për veprën penale “Vjedhja”, për llogari të Drejtorisë Vendore të Policisë Elbasan.
Gjithashtu, nga hetimet e kryera ka rezultuar se ky shtetas është autor i tentativës për vjedhje në banesën e shtetasit A. L. dhe autor i vjedhjes së sendeve personale të shtetasit F. K., në zonën e Spilles.
Ndërkohë, vijon puna për dokumentimin edhe të disa rasteve të tjera të vjedhjeve në të cilat mund të jetë i implikuar ky shtetas.
Materialet do t’i referohen Prokurorisë Pranë Gjykatës së Shkallës së Parë Kavajë, për veprën penale “Vjedhja”.
