Kryeministri Edi Rama, ditën e sotme ka reaguar nga foltorja e Kuvendit në lidhje me ngritjen e aktakuzës për presidentin e Kosoveës, Hashim Thaçin dhe për dhe ish-kreun e Kuvendit, Kadri Veseli.
I prekur në fjalimin e tij, Rama u shpreh se me këto aktakuza dhe lajme nuk u goditën Thaçi e Veseli si individë, por Kosova dhe mbarë shqiptaria.
Ajo që është treguar skeptike në lidhje me fajlimin e mbajtur nga Rama, është deputetja e opozitës Rudina Hajdari.
Kjo e fundit e ka krahasuar Ramën me diktatorin e Kubës, Fidel Kastron.
Hajdari është shprehur se së pari Rama duhej të merrej me krimet e komunizmit në Kosovë.
Sipas saj, këtu qëndron e gjithë hipokrizia në Kuvendin tonë dhe jo vetëm për faj të Ramës, por për faj të të gjithë kryeministrave.
“Zoti Rama mbajti një fjalim prej rreth një ore, më keq Fidel Castro që bën gjera makabre. Atë që nuk përmendet në këtë sallë. Hipokrizia në këtë Kuvend nuk është faj vetëm i Ramës, por i çdo kryeministri.
Nuk mund të flitet për Kosovën, pa folur për viktimat e komunizmit. Nuk mund të flitet për atë qindra mijëra vetë, mes tyre fëmijë.
Më vjen keq që nuk i kemi gjetur ata xhelatë dhe t’i fusim në burgje.
Ne ia kemi bërë gjëmën këtij vendi. Të njëjtën gjë qe i ka bërë Serbia Kosovës, ndaj mos t’ju vijë keq zotërinj deputetë, ta shohim të shkuarën tonë ashtu siç është dhe mos të kemi turp dhe t’i themi disa të vërteta”, tha Hajdari.
Në seancën e sotme, Hajdari u shpreh se ky sezon parlamentar duhet të mbyllet me një arritjje të madhe.
Deputetja ka insistuar edhe në këtë seancë për ndryshimin e sistemit dhe miratimin e listave të hapura.
Hajdari theksoi se në zgjedhjet e ardhshme deputetët duhet të futen në garë me emrat e tyre, pra të njihen nga populli.
Mbrëmjen e djeshme, deputetja Hajdari, tha se ishte opozita jashtëparlamentare që nuk lejoi një dakordësi për ndryshimin e sistemit në Këshillin Politik.
