Studentët kanë marrë një vendim. Drita e qirinjëve i ka ndriçuar studentët e Fakultetit Ekonomik dhe këta të fundit kanë dalë në përfundim u bien dakort të gjithë, ngujimi pranë ambientit të fakultetit. Kjo bëhet e ditur përmes një deklarate, në të cilët drejtojnë thirrje edhe ndaj studentëve të tjerë që të mbështesin dhe bashkohen në këtë nismë.
“Pas shumë mbledhjeve të organizuara, ne si studentë të Fakultetit të Ekonomisë sot fillojmë ngujimin. Kjo është vendosur dhe ne kërkojmë që të bashkohen edhe universitetet e tjera. Ne kemi vendosur të qëndrojmë ditën dhe natën të ngujuar. Kjo formë nuk është kundër pedagogëve tanë. Qëllimi jonë është plotësimi i atyre tetë pikave. Gjithashtu presim mbështetje nga të gjitha fakultete të tjera me qëllim që kauza jonë të plotësohet sa më shpejt. Të përgjysmohen tarifat edhe për masterin”, thane studentet.
Siç edhe e kemi raportuar më herët, në Fakultetin Ekonomik OSSHE ka ndërprerë energjinë elektrike duke i lënë në errësirë studentët, gjë që këta të fundit thanë se ishte e qëllimshme. (Lexo këtu)
