Nisur që nga dita e sotme, baret e restorantet janë hapur pas më shumë se dy muajsh nga mbyllja e përkoshme e aktivitetit të tyre për shkak të pandemisë Covid-19.
Ky lajm i qeverisë është pritur mirë nga qytetarët, pasi është shtuar edhe fasha e orarit.
Sipas disa fotove të publikuara në rrjet, janë vëzhguar kafenetë e kryeqytetit. Ajo që bie në sy është rikthimi i qytetarëve drejt normalitetit.
Shumë qytetarë janë dyndur në kafet e lagjes, apo në kafet në afërsi të punëve të tyre, për të shijuar një kafe.
Edhe në restorante ka rënë në sy prania e qytetarëve të cilët këto kohë janë kënaqur vetëm me shërbimin taksi.
Por mesa duket nga fotot e publikuara, masat e vendosura nga qeveria nuk janë respektuar si duhet nga qytetarët.
Ata nuk kanë respektuar distancën fizike, apo edhe vendosjen e maskave e dorezave gjatë kohës që janë në ambientet e kafes.
