Tashmë makinat me xhama të zinj nuk do të marrin asnjë shërbim.
Ky lajm na vjen nga Drejtoria e Përgjithshme e Shërbimeve të Transportit Rrugor i cili ka lajmëruar se duke filluar nga e hëna, do të ndalohet çdo shërbim ndaj automjeteve që kanë errësuar xhamin e përparmë dhe xhamat e parë anësorë, pa dallim.
‘Nga 7.01.2019 i ndalojmë çdo shërbim automjeteve që kanë errësuar xhamin e përparmë dhe xhamat e parë anësorë! Pa dallim: Shefa, VIP-a, të Fortë! Në bashkëpunim me Task Forcën e Transportit Rrugor dhe Policinë Rrugore po skedojmë dhe do penalizohen edhe “ustallarët” dhe serviset!’, thuhet në njoftimin e Drejtorisë së Përgjithshme të Shërbimeve të Transportit Rrugor.
Ky është një vendim tashmë i domosdoshëm për shkak edhe të gjithë ngjarjeve të fundit që kanë ndodhur dhe makina me xhama të zinj në një farë mënyre shërben edhe si mburojë për grupet kriminale.
