Dy biznesmenë shqiptarë në Zvicër dhe Gjermani do të ofrojnë ushqim falas për stafin mjekësor, që do të kurojë pacientët me COVID-19.
Sipas “Albinfo.ch”, Bedri Idrizi, i cili është menaxher i një restoranti në Gjermani, ka shpërndarë ushqim falas për stafin mjekësor, në shenjë falenderimi.
Njëkohësisht Idrizi me stafin e tij, po shpërndajnë ushqime dhe ilaçe për të moshuarit.
Shqiptari nga Tetova, menaxhon restorantin “Dolce Vita”, i cili ndodhet në Shëedt Oder në Gjermani.
Ai ka shpërndarë ushqim falas për 12 resparte të spitalit të qytetit, njësitë zjarrëfikëse, ndihmën e shpejtë dhe njësitë e ambulancës.
Stafi i restorantit që ai menaxhon, ka shpërndarë një njoftim, ku i bën thirrje të moshuarve, që të mos rrezikojnë shëndetin, pasi ushqimin dhe ilaçet do ua sjellin në shtëpi falas.
“Të dashur gjyshe e gjyshër, ju rrini në shtëpi dhe na dërgoni porositë për barna e ushqim, kurse ne ua blejmë dhe ua sjellim në shtëpi,” thuhet në postimin e shpërndarë.
Ndërsa hotelieri, Nazmi Mehmetaj, ka hapur hotelin për të mirëpritur personelin mjekësor që vjen nga vendet e tjera.
Edhe pse kishte mbetur pa punë për shkak të COVID-19, shqiptari hapi dyert për mjekët.
Gjatë periudhës së pandemisë, shqiptarët kudo nëpër botë kanë treguar shpirtin e tyre human,
Në Greqi rrobaqepësja Elona Agolli dhuroi 600 maska falas për spitalin e Grevenas.
Ajo u falenderua edhe nga presidentja e shtetit helen për gjestin e saj.
Shqipëria në krizë për ventilatorë, laborantët dentarë ndërmarrin nismën fantastike
Në Itali, mamaja e tre fëmijëve, Hatixhe Hallulli, gatuan drekën dhe ëmbëlsira për stafin e urgjencës së Florenzuolas.
Gatuan drekën dhe ëmbëlsira për stafin e urgjencës, gruaja shqiptare bën xhiron e mediave italiane
Nuk mbeten prapa edhe shqiptarët brenda kufijve, ku dy laborantët dentarë, Besar Lalike dhe Eldian Cepeli, kanë filluar punën për ndërtimin e një pajisjeje që modifikon ventilatorët mjekësorë, në mënyrë që të furnizohen me oksigjen dy pacientë njëherësh.
Ishte “Iconstyle.al” që shkruajti i pari për nismën e laborantëve, e cila e kaloi me sukses provën.
Shqipëria në krizë për ventilatorë, laborantët dentarë ndërmarrin nismën fantastike
