Detaje të tjera dalin nga masakra që ndodhi në Elbasan ku u vranë tre persona me breshëri automatiku.
Kujtojmë që ngjarja ndodhi mbrëmjen e të shtunës rreth orës 21:15 në Elbasan, pranë rrethrrotullimit të Bradasheshit.
Në këtë atentat humbi jetën 34-vjeçari Endrit Alibej dhe 56-vjeçri Arben Dylgjeri, xhaxha e nip, të dy ishin nga Elbasani gjithashtu edhe shtetasi turk Erdal Duranay 51 vjeç.
Burime nga policia për ‘balkanweb’ bëjnë me dije se bëhet fjalë për një vrasje profesionistësh. Gjithashtu mësohet se makina ka marrë 18 plumba në krahun e 34-vjeçarit dhe 7 plumba në sediljen e pasme ku gjendej shtetasi turk.
Të 3 viktimat kishin pak ditë që kishin ardhur në Shqipëri. Bëhet me dije se turku jetonte në Rumani ndërsa 34-vjeçari, Endrit Alibej, kishte kohë pa ardhur në Shqipëri.
Hetimet për ngjarjen po vazhdojnë dhe dyshohet se shkaku kryesor i këtij atentati ka qënë pikërisht 34-vjeçari, Endrit Alibej i cili kishte pasur një të shkuar kriminale jashtë Shqipërisë.
