Presidenti brazilian, Jair Bolsonaro, hodhi poshtë lajmet për prekjen e tij nga koronavirusi.
“Negativ për COVID-19, Presidenti i Republikës, Jair Bolsonaro. Mos besoni në lajmet e rreme të media”, shkruan Bolsonaro në profilin e tij në Twitter.
Përgjigja e testit të Bolsonaros po pritej me ankth edhe në Washington, pasi 6 ditë më parë ai kishte darkuar me presidentin amerikan Donald Trump, zv. Presidentin Mike Pence, Ivanka Trump, Jared Kushner dhe ish-kryebashkiakun e New York, Rudolph Giuliani.
Të premten në mbrëmje, mediat braziliane shkruan, se i ngarkuari i qeverisë, Nestor Foster, i cili ishte pjesë e darkës ssë Trump dhe Bolsonaro, rezultoi pozitiv me koronavirus dhe tashmë është vetëizoluar.
Donald Trump ditën e djeshme shpalli gjendjen e emergjencës për shkak të koronavirusit.
Mbrëmjen e djeshme në SHBA u kalua numri i 2 mijë të infektuarve, ndërsa viktima numërohen 41.
Në rang global koronavirusi ka marrë mbi 5400 jetë njerëzish, ndërsa të infektuar numërohen mbi 145 mijë të infektuar dhe mbi 72 mijë të shëruar.
