“Me mimoza në duar”. Tubimit të 2 marsit do i bashkohen edhe këto figura publike

Ditën e hënë, më 2 mars, do zhvillohet tubimi i shumëpërfolur i organizuar nga presidenti Ilir Meta, në fokus të së cilit do të jetë mbrojtja e Kushtetutës.

Deri më tani kanë konfirmuar pjesëmarrjen e tyre disa figura publike, si: aktorët e humorit shkodran Zef Deda dhe Drande Xhaj, teksa ditën e sotme kanë konfirmuar prezencën e tyre dy persona të tjerë publik.

Bëhet fjalë për Ismail Morinën ose i njohur ndryshe si Ballist Morina, i cili do të kujtohet gjithmonë për banderolën me flamurin e Shqipërisë etnike që fluturoi mbi stadiumin e Beogradit, teksa luhej ndeshja Serbi-Shqipëri 5 vite më parë.

Personi i dytë është boksieri i njohur Kristian Demaj, i cili jeton në Gjermani.

Ka qenë vetë presidenti, i cili ka publikuar videon e boksierit, ku i uron mirëseardhjen në marshim,teksa shkruan që të vijë pa doreza sepse manifestimi do të jetë paqësor.

“I lumtur që edhe Kampioni, Christian Demaj, pas triumfit të mbrëmshëm në Gjermani ku fitoi një tjetër titull, ka apeluar në mbështetje të Manifestimit Mbarëkombëtar të thirrur nesër më 2 mars.
Edhe pse ka lindur dhe jeton në Gjermani, Christiani përfaqëson vetëm ngjyrat Kuqezi. Mirësevjen kampion, por pa doreza, se Manifestimin e kemi paqësor“, shkruan Meta.

Ditën e djeshme Presidenca njoftoi se ka gjetur bashkëpunim në Institucinin e Policisë së Shtetit, e cila e ka miratuar lejen për këtë manifestim.

Manifestimi do zgjasë dy orë, ku pritet të fillojë në orën 17:00 dhe të përfundojë në orën 19:00.

“Me mimoza në duar”. Presidenca jep detaje për manifestimin e 2 marsit, thumbon Ambasadën e SHBA

Prej muajsh marrëdhënia Kryeministri-Presidencë është krisur dhe shkak është bërë zgjedhja e anëtarëve të Gjykatës Kushtetuese.

Meta paditi vitin që shkoi kreun e KED, Ardian Dvorani, pasi e akuzon atë se ka shpërdoruar detyrën duke i dërguar dy lista njëherësh për dekretim, gjë të cilën Presidenti nuk e bëri.

Kuvendi nga ana tjetër dekretoi Fiona Papajorgjin dhe Elsa Toskën, kurse Arta Vorpsi e cila ishte automatikisht e emëruar u ‘dogj’ nga Meta që dekretoi Xhaferllarin.

Disa ditë më parë, Meta lajmëroi se kallëzimit të tij do i shtojë disa padi të reja, teksa çoi në SPAK edhe sekretarin e Përgjithshëm të Ministrisë së Drejtësisë, Gentian Deva dhe drejtoreshën e Qendrës së Botimeve Zyrtare, Etleva Haxhia.