Policia italiane zbuloi një rafineri heroine, në një shtëpi dykatëshe në Fontanella.
Në pranga ranë tre shqiptarë dhe u sekuestruan 10 kg heroinë dhe 1 kg kokainë.
Operacioni i policisë së Milanis kishte tre ditë që kishte nisur, por u finalizua ndërmjet datave 27-28 shkurt.
Sipas mediave fqinje, karabinierët u futën në shtëpinë e shqiptarëve dhe panë dy burra që po paketonin lëndën narkotike.
Shqiptarët 41 dhe 22 vjeç u përpoqën të arratiseshin nga hyrja dytësore, por u neutralizuan.
Gjithashtu një tjetër shqiptar 24-vjeçar, u gjurmua dhe u bllokua.
Gjatë kontrolli në apartament, policët gjetën disa qese celofani që shërbenin për paketimin e lëndës narkotike dhe mjete që shërbenin për ndarjen e kokainës.
Njëkohësisht u sekuestruan 7 mijë euro, që dyshohet se rridhnin nga aktiviteti kriminal.
