Një çift shqiptarësh është kapur me drogë ditën e djeshme në Igumenicë, pranë kufirit greko-shqiptar.
Në makinën me të cilën udhëtonin, policia gjeti dhe sekuestroi 15 kg marijuanë.
Lënda narkotike ishte fshehur në një vend të improvizuar në dyert e pasme të mjetit.
Përveç lëndës narkotike, e cila ishte e ndarë në 16 pako, policia sekuestroi edhe dy celularë.
Fillimisht shqiptarët ishin justifikuar se po shkonin në Greqi, për të festuar Shën Valentinin.
Mosha dhe identitetet e tyre nuk janë bërë ende publike.
Mësohet se policia greke ishte sinjalizuar më herët për këtë sasi droge.
