Valbona Selimllari ka qenë gjithmonë shumë diskrete për jetën private dhe për të ndarë detaje nga përditshmëria e saj pas kamerave.
Por për herë të parë sot, ajo na fton në shtëpinë e saj dhe për këtë duhet të falënderojmë iniciativën “Takimi për një libër”.
Ministrja e Kulturës, Mirela Kumbaro, publikon videon ku ish-Miss-i shqiptar shfaqet krah së bijës Vivien, duke i lexuar librin “Një shëtitje në trupin e njeriut”.
“Faleminderit Valbonë, që beson fort se çdo çast leximi me fëmijët është më shumë sesa një faqe libri, është një themel i fortë që i japim jetës së tyre! T’u lexojmë SOT, që të lexojnë vetë NESËR”, shkruan ministrja.
Nga videoja mund të kuptojmë se shtëpia e Selimllarit është e një stili klasik, me divanet dhe kolltukët me dizajnët e ndryshëm. Ndërsa nuk mungojnë as zbukurimet për festat e fundvitit, Pema e Vitit të Ri dhe një babagjysh lodër apo pikturat.
Burimi: Iconstyle.al
