Një aksident i frikshëm u regjistrua mëngjesin e sotëm në Korçë.
“Balkanweb” shkruan, se dy makina u përplasën me njëra-tjetrën në bulevardin “Republika”.
Si pasojë e përplasjes njëra prej makinave përfundoi në fasadën e një dyqani.
Fatmirësisht nuk ka njerëz të lënduar, por vetëm dëme materiale.
Aksidenti ka shkaktuar panik tek qytetarët, që ishin të shumtë në vendngjarje.
Policia ndërkohë po punon për zbardhjen e rrethanave të aksidentit.
