Qyteti i Beratit është zgjuar ditën e sotme nën breshërinë e kallashnikovit. Një 32-vjeçar nga Berati, pas konflikteve për motive të dobëta me A.F., mori një kallashnikov dhe shkoi për ta qëlluar.
Pasi nuk e gjeti personin me të cilin debatoi, Krios Vangjeli zbrazi dy karikatorë kallashnikovi në ajër, duke terrorizuar qytetin, shkruan “Balkanëeb”.
Ngjarja është regjistruar në bulevardin “Republika” rreth orës 01:30. Në vendngjarje, policia arriti që të gjejë vetëm gëzhojat e kallashnikovit.
Autori u identifikua vetëm pas këqyrjes së kamerave të sigurisë, në bizneset përreth pedonales.
Efektivët kanë nisur punën për arrestimin e 32-vjeçarit.
Dyshohet se konflikti mes të rinjve ka nisur për një lojë pokeri.
Informacion paraprak
Gjatë natës rreth orës 01:30 në Bulevardin “Republika” pas një konflikti për motive të dobëta midis shtetasve A.F dhe K.V, banues në Berat, ky i fundit dyshohet se ka qëlluar me armë zjarri në ajër dhe më pas është larguar nga vendi ngjarjes. Shtetasi K.V është shpallur në kërkim dhe po punohet për kapjen e tij. Grupi hetimor dhe shërbimet e policisë po punojnë për zbardhjen e rrethanave të ngjarjes.
