KPK kthehet në punë me kohë të plotë pas pushimeve dhe vendimi i parë ka qënë pozitiv për Kryetarin e Gjykatës Administrative të Korçës, Sokol Ibin.
Komisioni i përbërë nga Olsi Komici, Suela Zhegu dhe Xhensila Pine e gjeti atë konform ligjeve në fuqi për tre kriteret bazë.
Sokol Ibi nuk ka probleme me deklarimin e pasurisë, pastërtinë e figurës si dhe aftësinë profesionale.
Vendimi i parë i sesionit të ri ishte i ndryshëm me shumë prej vendimeve përpara pushimeve, ku një numër i madh gjyqtarësh dhe prokurorësh humbën vendin e punës.
Përfshi këtu shumicën e kryetarëve të gjykatave në rrethe.
Pas këtij vendimi, Sokol Ibi do të vazhdojë sërish të drejtojë në Gjykatën Administrative, Korçë.
