Procesi i numërimit të votave për zgjedhjet parlamentare të 11 majit vijon ende në Qarkun e Beratit.
Deri më tani janë numëruar 197 nga 275 qendra votimi.
Sipas të dhënave të Komisionit Qendror të Zgjedhjeve, rezultatet e përkohshme në rang qarku paraqiten si më poshtë:
• Partia Socialiste e Shqipërisë kryeson me 26,892 vota, që përfaqësojnë 58.35% të totalit.
• Koalicioni PD-ASHM renditet i dyti me 13,914 vota, ose 30.19%.
• NISMA – SHB ka marrë 3,275 vota, duke arritur në 7.11%.
• Partia Mundësia ka siguruar 874 vota, ose 1.90%.
• Lëvizja Bashkë ka marrë 468 vota (1.02%).
• Partia Koalicioni Euroatlantik ka 249 vota (0.54%).
• Partia Socialdemokrate (PSD) ka siguruar 182 vota (0.39%).
• Partia Aleanca Kombëtare Shqiptare ka marrë 77 vota (0.17%).
• Lëvizja Atdheu ka 75 vota (0.16%).
• Partia Aleanca Demokracia e Re ka siguruar 57 vota (0.12%).
• Koalicioni Djathtas për Zhvillim ka marrë 28 vota (0.06%).
