Shqiptarët kanë shprehur dje vullnetin e tyre për qeverinë që do t’i udhëheqë në katër vitet e ardhshme.
Procesi i numërimit të votave nisi menjëherë pas përfundimit të votimit dhe po vijon në të gjithë vendin, ndërsa të dhënat e deritanishme po japin një pasqyrë të qartë mbi përbërjen e ardhshme të parlamentit.
Sipas të dhënave zyrtare të KQZ-së, projeksionet aktuale tregojnë se Partia Socialiste pritet të sigurojë 83 mandate, ndërsa koalicioni Partia Demokratike Aleanca për Shqipërinë Madhështore renditet i dyti me 51 mandate.
Partia Socialdemokrate parashikohet të ketë 3 mandate, ndërsa Nisma Shqipëria Bëhet pritet të sigurojë të paktën një.
Po një mandat parashikohet edhe për Lëvizjen Bashkë dhe Partinë Mundësia.
