Incidentet e pazakonta kanë shoqëruar procesin zgjedhor në disa zona të vendit.
Në Paskuqan, një qytetar në gjendje të dehur është futur brenda qendrës së votimit me pretendimin për të votuar. Ai është larguar menjëherë nga ambientet e brendshme nga ana e komisionerëve, ndërsa nuk raportohet për përplasje apo probleme të tjera në këtë qendër.
Ndërkohë, një tjetër rast i ngjashëm është shënuar në qarkun e Shkodrës, konkretisht në qendrën e votimit nr. 0340, që i përket KZAZ nr. 2 në zonën e njohur si “Guri i Zi”. Sipas raportimeve, komisionerët kanë larguar nga detyra përfaqësuesin e PSD-së me inicialet B. Kasemi, pasi ai ndodhej në gjendje të dehur.
