Më 18 shkurt, Shkodra u trondit nga një ngjarje tragjike, kur Kolë Manaj qëlloi me plumb në kokë partneren e tij, Anila Ndoka, dhe më pas i dha fund jetës. 34-vjeçari humbi jetën menjëherë, ndërsa Anila Ndoka ndërroi jetë pas gjashtë ditësh.
Motra e autorit, Mira Manaj, ka shpërndarë foto në rrjetet sociale, duke ndarë dhimbjen e saj.
“Engjëlli më i bukur në parajsë. Gjysma e shpirtit tim. Shpirti i motrës ti. Ti ishte shpirti më i bukur në botë, e tani je engjëlli më i bukur në botën tjetër.Njeri më i mirë që ekzistonte. Unë jam krenare për ty shpirti i motrës, edhe do të jem sa të kem jetë të jetoj.Ti ishte e do jesh në shpirtin e zemrës time”, shkruan e motra e Kolë Manajt.
Anila Ndoka kishte tre fëmijë nga një martesë e mëparshme, ndërsa Kolë Manaj nuk kishte pasur fëmijë.
