Parlamenti i Shqipërisë dhe ai i Kosovës do të mblidhen më 20 dhjetor në orën 11:00 në sallën e seancave plenare të parlamentit të Kosovës, për një seancë të përbashkët.
Axhenda e mbledhjes ende nuk është bërë publike, por sipas burimeve pranë parlamentit të Kosovës, pritet që të flasin kryetarët e grupeve parlamentare të të dy vendeve.
Sa i takon pjesëmarrjes, nga Shqipëria pritet të shkojnë rreth 70 deputetë dhe nga Kosova rreth 60 deputetë.
