Sot, një grup të rinjsh nga Europa, si dhe përfaqësues të shoqërisë civile, kanë zhvilluar një protestë para Kryeministrisë për të kundërshtuar marrëveshjen për emigrantët ndërmjet Shqipërisë dhe Italisë.
Aktivistët shqiptarë dhe të huaj janë mbledhur për të shprehur kundërshtimin e tyre ndaj marrëveshjes, e cila parashikon ndalimin e emigrantëve nga vendet e treta në Shqipëri para riatdhesimit të tyre.
Protesta po vijon para ambasadës italiane dhe më pas është tek delegacioni i BE-së.
Kjo iniciativë është pjesë e një lëvizjeje të gjerë të promovuar nga Rrjeti kundër Burgosjes së Emigrantëve, duke bërë thirrje për rrezikun nga praktika të tilla.
Qasja e ndjekur në marrëveshjen për emigrantët mes Shqipërisë dhe Italisë, sipas tyre, përbën kërcënim për lirinë e lëvizjes dhe të drejtën për azil, dy liri themelore për demokracinë europiane.
