Shqipëria ka mbyllur fushatën e saj në Grupin B1 të Ligës së Kombeve me një humbje 2-1 ndaj Ukrainës në “Air Albania”.
Pas një fillimi katastrofik, ku u ndëshkuan me dy gola në 10 minutat e para, kuqezinjtë reaguan në pjesën e dytë, ku Bajrami shënoi një gol nga penalltia në minutën e 75, duke ngushtuar rezultatin në 2-1.
Në ndeshjen tjetër të grupit, Çekia fitoi 2-1 ndaj Gjeorgjisë, duke ruajtur kreun e grupit. Goli i parë u shënua nga Pavel Sulc (3’), ndërsa Adam Hlozek dyfishoi avantazhin (24’). Gjeorgjia mundi të shënonte një gol ngushëllimi, por Çekia mbajti kontrollin e lojës dhe vazhdoi të udhëhojë grupin.
Pas këtyre rezultateve, Shqipëria përfundoi e fundit në grup dhe zbriti në Ligën C. Ukraina ngjitet në vendin e dytë, ndërsa grupi i tifozëve “Illyrian Elite” braktisi stadiumin në shenjë zhgënjimi pas një pjese të parë të dobët të kombëtares.
