Klubi gjerman Hoffenheim ka shkarkuar trajnerin Pellegrino Matarazzo pas rezultateve zhgënjyese në dhjetë ndeshjet e para të sezonit 2024-2025.
Klubi e bëri të ditur këtë vendim përmes rrjeteve sociale, duke konfirmuar se Matarazzo nuk është më në krye të ekipit.
Në një deklaratë pas largimit, Matarazzo u shpreh krenar për punën e tij me ekipin dhe stafin, duke theksuar se do të mbetet mirënjohës për mbështetjen e tyre. Ai gjithashtu uroi klubin dhe lojtarët për një të ardhme të suksesshme.
Pas javës së 10-të të Bundesligës, Hoffenheim renditet në vendin e 15-të me vetëm nëntë pikë, duke u përballur me presionin për të shmangur zonën e rënies nga kategoria.
