Një ngjarje e rëndë ka ndodhur mëngjesin e sotëm në Lushnje. Një 30-vjeçar ka goditur me sëpatë babain e tij.
Ngjarja ndodhi pas një konflikti në familje.
Sipas policisë, rreth orës 08:00 në lagjen “Xhevdet Nepravishta”, Dritan Veliu ka qëlluar me sëpatë babanë e tij, Kujtim Veliu.
67-vjeçari ndodhet në Spitalin e Lushnjes nën kujdesin e mjekëve në gjendje të rëndë shëndetësore.
30-vjeçari është larguar nga banesa pasi ka goditur babain. Mësohet se policia ka bërë të mundur arrestimin e tij dhe po merret në pyetje për shkaqet e ngjarjes së rëndë.
Deklarata e policisë
Godet babain me sëpatë, kapet në flagrancë nga patrulla e policisë në tentativë për tu larguar.
Sot rreth orës 08:00 në lagjen “Xhevdet Nepravishta” Lushnje, shtetasi D.V, 30 vjeç, për motive të dobëta ka goditur me sëpatë babain e tij, shtetasin K.V, 67 vjeç.
Pasi ka goditur babain, shtetasi D.V është larguar nga vendngjarja por është kapur në flagrancë nga patrulla e policisë e cila ishte në ndjekje të tij.
Shtetasi K.V ndodhet në Spitalin e Lushnjes nën kujdesin e mjekëve në gjendje të rëndë shëndetësore.
Grupi hetimor po punon për zbardhjen e plotë të rrethanave të ngjarjes.
